Turen til Hægefjell 8 okt 2011 var ei stor oppleving for oss 11 som blei med på turen. Omlag en times biltur langs Napevegen og inn til Landtaksdammen i foten av Hægefjell. Me såg nokre som tok kortversjonen rett opp fjellsida medan me valgte turen som gjekk langs ryggen. Difor vart utsikten sørover flott heile vegen.
Mykje folk såg me langs turen og ny bok/kasse var Vrådølane opp med i dag. Flaks for oss!! Frå toppen såg me innover Plagstadalen, til Skåpi, Hestekvæven som alle ligg i austre delen av Roanområde. Utsikten sørover var også flott der me såg heile Nisser.
Kaffien smaka godt som vanleg.
Foto- og turhelsing Gunhild
